南翔饅頭店 (已結業)

失望，好失望。第一次去，五點幾去到，門口欄住左，但已經有人係度徘徊，可惜無侍應出黎招呼，好難先係門口叫到個人問，佢地話六點先開，之前就算有人等都唔會派籌，同埋不接受訂枱，結果我地走左。第二次去，八點幾去到，門口個姐姐又話是晚公司有活動，唔會再比客入。又食唔到。第三次去，都係八點幾，超多人排隊，卒之走左。到第四次，差不多十點去到，先叫有位坐喇，點知今次食到揼心口。我去過上海總店食過幾次，無論上樓定外賣都試過，但都絕對無香港lee間咁差。先講小籠包，皮厚不特止，裡面又無汁，仲要唔夠熱!!最蠢係叫左清炒蝦仁，我咁大個女都未見過d仲細隻過蝦米既蝦仁!!! size就好似一節尾指咁上下大，仲要份量超少，而且不單止無味，個玻璃獻仲埋到杰撻撻……蟮蝴炒麵，又油，料又少…至於服務呢，坐成晚都搵唔到個人招呼下，想加水都等到頸長!總知就係唔好去，唔洗去，唔值得去，除非你想搵自己笨~