LAB10 (裝修中)

價錢唔貴，本身期望唔算大，今次經歷當得啖笑啦。佢個爐開頭著唔到火，點左三次。著到火之後要用個夾夾住，個火扭唔到大細。一直夾住最大火，完全燒唔到嘢食，全部食物都燒到成舊碳咁，但入面未熟。問個職員，佢叫我地自己就住個火燒。入面其實有好多位，但佢都冇幫我地轉台。個爐仲會5 分鐘左右就嗶嗶嗶嗶聲，店員就會過嚟按制。以前韓燒試過食劣食，但劣食都可以食飽。今次燒唔到，完全食唔飽。肉類嘅質素好好？就係同阿媽去街市買調好味嘅凍肉一樣。原本以為今次偶發事件，出去打邊爐有時個火都好難著，咁就算啦。埋單個陣想提醒個店員個爐有問題，整下佢好d。點知佢答：佢一直都知道，佢覺得冇問題，就係要keep住冇火/一直大火。 呢度就去到人品問題喇，明知個爐唔掂，有咁多位都唔俾人坐，就要你坐個度。