ChaTraMue (已結業)

一向鐘意飲泰式奶茶，去親食泰國菜都會飲返杯，難得泰國最出名嘅奶茶店係香港又開分店，唔使去銅鑼灣排餐死就一於試下去到見十個人排緊，但係商場入面唔使日曬雨淋咁等都ok啦。叫左一杯咖啡同一杯奶茶，估唔到有得揀少甜，但就無得少冰，咁就一於試下少甜，點知⋯其實第一啖飲係ok嘅，無論咖啡定奶茶都幾似泰國飲到嘅味道，係無泰國甜得咁誇但問題係佢無得少冰，當你諗住等d冰溶咁d, 杯野就開始淡到無乜味但你唔等佢溶，兩啖就飲晒⋯所以我建議大家如果想試就唔好要少甜，反而正常甜等d冰溝返淡可能啱啱好。總括來說，味道ok嘅，價錢貴，效率都好高，唔使等好耐就有得飲。