一口烘焙 (已結業)

間店開左都一段時間所以去試一試。點知食完上來睇Openrice 先知原來唔只我一個覺得d野唔好味。今日去左買日式和牛Panini, 香烤燒雞扒Panini, 牛角酥, 法式焦糖燉蛋, 芒果朱古力北海道牛乳布丁。日式和牛Panini一早預左唔係和牛架啦。。。睇住佢地做個Panini 既時候都有>10粒牛。點知一咬落去果下就咬唔開羅。因為人地係用牛根!個包烤到脆駁卜卜都幾香口。香烤燒雞扒Panini女神話冇左D雞會好味D。法式焦糖燉蛋帶到返屋企D焦糖都溶晒，變晒一pat pat。所以拔起晒D焦糖，只食燉蛋。淨燉蛋都OK。芒果朱古力北海道牛乳布丁好味!不過冇說好的"朱古力"