志 (已結業)

本身對元朗壽司之神都有唔錯嘅體驗，知道其中一位老闆喺尖沙咀開咗「志」 ，心諗好方便我尼D九龍人，加上網上評價都幾好，朋友生日就去試左午餐，餐廳職員服務合格，我哋試咗$350 -13 貫Sushi set , 值得讚嘅係「志」Sushi set 係可以俾客人自由選擇一件當日食過想再食嘅壽司🍣 食材同大多中價壽司店大同小異-劍魚、赤背、秋都魚、金線鯛、超拖羅等等 海膽份量對比起「鮨白x」慷慨得多，性價比唔錯，可惜當日為我地主理嘅師傅，不論切魚、調味都係令我將「志」列為- 試一次就夠嘅餐廳！師傅揀魚部位同切法竟然令我哋好幾件壽司都食到有根😅 而且調味單調，十三件壽司當中大概一半都係用上青檸調味🥱 師傅嘅質素實在令我冇回頭既理由