楓の居 (已結業)

放半日準備去睇戲，係openrice 搵下食咩，揀咗呢間，睇落好似唔錯又有得訂位，都係我鐘意嘅😝 坐低，環境都可以，睇睇餐牌都幾多選擇，每款都有沙律仔，前菜仔。 魚生唔使諗，戒咗好耐⋯⋯問咗一聲店員牛肉是否肥牛，佢話唔係，我哋先叫汁燒牛飯，因為我倆都要食瘦牛嘅人😝 咁我揀咖哩豬扒飯，所有餐都有麵豉湯或飲品，有汽水，檸檬茶，烏龍茶揀。 咁一個要湯，一個要飲品，可以 share 😁汁燒牛肉到先，失望，完全唔係女友心中嘅汁燒，完全無咩色水，好彩都有用多洋蔥煮過，食落都有味道，當然唔係女友想要，加上都有點肥牛 feel，所以我倆都覺得一般，收$82，其實我覺得⋯⋯有點貴添🧐咖哩豬都到，賣相幾好，但個炸豬扒⋯⋯個層炸面實在唔係幾好味，怪怪地，咖哩汁就正常。