茶王冰室 (洗衣街) (已結業)

卡幫尼意粉，我在網上睇咗幾次，都冇見有洋蔥，但係這間店的卻有洋蔥出現。那是否一個新派的卡幫尼意粉？另外在這碟意粉裏面，搵到兩三個蛋殼，是否驚我鈣質唔夠？哈哈哈哈另外，佢叫得自己做茶王，相信佢對自己的奶茶或者茶膽，都一定有返咁上下信心。那當然便叫兩杯奶茶來飲，品質如何，你自己喺照片裏找出問題，最後發現太興燒味嘅奶茶，俾佢還要好飲。咁麻煩你唔好叫自己做茶王雞翼薯條，收我40幾蚊，三隻雞翼十幾條薯條，真的很抵食。正常人走去百佳，一睇便知道，你哋賺幾多錢。真係小本經營，生活困難。仲有那位服務員阿姐，佢真係好忙，我舉左好多次手，佢先至見到我想落單，除咗幫我哋落單，仲要不停係咁用手機，打訊息等工作和他的仔女和朋友討論不同的事項。阿姐！辛苦你了！不如你返屋企啦！如果在試業期間，俾人嘅印象都係咁差，真係諗吓，是否應該繼續開業。