Amazake (已結業)

母親節經朋友介紹去咗食。選擇比較少，同埋唔係飛紙仔係同外藉員工點菜，所以會漏單。嘢食上菜，刺身得5款但非常厚切，而且相當大件。炸雞翼係生炸，唔夠鹹。天婦羅個麵衣好薄，feel 到入面係真係蒸熟嘅。串燒好食尤其是係個豬腩肉，串燒雞翼我feel到嗰浸即燒味。個三文魚沙律超正，啲三文魚粒好似唔使本咁喪隊。另外嗌左杯Cocktail幾好味。總括嚟講，你唔好用一個食放題嘅心態去食，因為佢本身係做酒吧嘅佢只係禮拜三同禮拜六做放題幫補吓，所以你應該用一個去相熟酒吧飲酒嘅地方嘅心態去食呢間放題輕鬆吓。