影片
更多
2015-04-09
385 瀏覽
行經門口, 不覺得是一間茶餐廳, 但又不覺得是一間酒家, 外觀, 也想像唔到, 到底是甚麼價位的食肆. 幸好門口有餐牌, 可讓客人研究一下先...網上睇一睇, 九個食評, 八個食評都是來自只有單一食評的寫評人, 叫人點夠膽信….哈哈.., 當然, 唔係話寫得多食評 就係可信, 尤其是近年, 太多”試食”食評, 通通扮到係自已主動去食, 又寫得監監介介, 重信唔過呀! 所以, 有時, 睇”負評”重有用, 如果”負評”只是投訴服務, 則証明”食物”質素唔差啦, 又, 如果”負評”只投訴價錢貴, 咁又可能只係佢唔捨得食啫…哈哈哈… 睇完, 都好想入去試吓… 哈哈哈哈, 友人都話我唔正常…內裡裝修和座位安排, 一種十分茶餐廳式酒家格局…, 甚麼是”茶餐廳酒家格局”..?? 我其實都唔係太清楚, 總之就係…唔似茶餐廳, 又唔似酒家囉…哈哈..餐牌食物定價略為高於茶餐廳, 平均七、八十元, 小食大概四、五十元. 但上檯時, 其實份量也不少.啤酒有兩款, 青島嶗山細枝裝, 阿姐話做緊特價, 一枝$12, 但三枝則$28. 藍妹, 大枝, $28. 夠凍, 滿意. 阿姐不時會幫你斟酒, 啱晒我老友,
網上睇一睇, 九個食評, 八個食評都是來自只有單一食評的寫評人, 叫人點夠膽信….哈哈.., 當然, 唔係話寫得多食評 就係可信, 尤其是近年, 太多”試食”食評, 通通扮到係自已主動去食, 又寫得監監介介, 重信唔過呀! 所以, 有時, 睇”負評”重有用, 如果”負評”只是投訴服務, 則証明”食物”質素唔差啦, 又, 如果”負評”只投訴價錢貴, 咁又可能只係佢唔捨得食啫…哈哈哈… 睇完, 都好想入去試吓… 哈哈哈哈, 友人都話我唔正常…
內裡裝修和座位安排, 一種十分茶餐廳式酒家格局…, 甚麼是”茶餐廳酒家格局”..?? 我其實都唔係太清楚, 總之就係…唔似茶餐廳, 又唔似酒家囉…哈哈..
餐牌食物定價略為高於茶餐廳, 平均七、八十元, 小食大概四、五十元. 但上檯時, 其實份量也不少.
啤酒有兩款, 青島嶗山細枝裝, 阿姐話做緊特價, 一枝$12, 但三枝則$28. 藍妹, 大枝, $28. 夠凍, 滿意. 阿姐不時會幫你斟酒, 啱晒我老友, 佢口水多, 鍾意同侍應發噏風, 間中又會請侍應飲酒. 但就…唔係好啱我feel, 我鐘意食飯時, 無人理我, 我唔鐘意有人打擾, 也唔需要幫我收碟換碟, 點解我咁變態..…?? ….我都話我自閉個囉….哈哈哈…
蒜蓉粉絲蒸元貝, $116/兩隻, 好大隻, 平均$58/一隻, 單看大小, 唔算貴, 但煮得略為差, 味道淡淡, 無問題, 清淡一點, 也十分合我胃口, 但扇貝煮得十分乾身, 肉質口感有些鞋, 不知是否因為師傅為了快些蒸熟, 把扇貝肉一開為二, 又蒸得時間太長的關係?? 還是雪得太耐??
七味雞軟骨, 剛炸, 伴有香脆蒜蓉碎, 好脆, 好香口, 雞軟骨是中等貨色(有些中式酒家的炸雞軟骨, 肥膏特多), 肥肉不多, 剛炸起, 送酒一流, 脆度十足, 色淡, “萬年油”成份不高, 滿意. 但係…”七味”…食唔出…哈哈..
京都一字骨, $75, 洋葱和菠蘿伴炒, 酸甜度適中, 醬汁杰度也做得好好, 用一字骨, 是我最愛, 當然, 如果切細粒, 好似京式那種小排骨, 就更好了.
薑蔥魚雲煲, $78, 上檯時, 熱度十足, 滋滋聲, 響足五分鐘. 好香口, 份量足, 件件齊整, 薑葱多, 適合我這種喜歡魚雲夾配薑葱一起吃的人.
服務方面, 店員有禮, 態度良好, 適時斟茶換碟(已講過, 對我而言, 沒有太大作用). 另外, 入內剛坐低, 有店員便推銷海鮮, 然而, 只是略略提了一次 (可能因為見我們沒有反應), 並沒有不斷推銷, 否則, 一定扣分. 其實, 如果食店有供應”時價”海鮮, 倒不如寫在餐牌上, 客人睇到, 覺得價錢合適, 想食, 自然會叫. 當然, 除非你打算靠把口”硬銷”, 但做生意, 講長遠, 今次比你sell到個客食貴咗, 就算你的海鮮真係好有水準, 但如果下次我唔打算食海鮮, 而只想食小菜時, 我一定唔敢入嚟. 呢個時代, 係香港, 唔好再用呢種手段推銷喇, 只會野客人反感, 見老闆都是一位有誠意做好食物和服務的人, 才特意提醒一下. 食物唔係太差, 價格也並非太貴(最後悔是叫了兩隻扇貝, 唔好食, 本來三百幾變成四百幾埋單) , 比個”Good"你 鼓勵一吓吧
張貼
