Tea台屋

營業中

休息中

黎到都會見到一間新開嘅餐廳，見唔少行過嘅人都攞住杯珍珠奶茶，而餐廳入面人流都唔算少就諗住試下，但故事教訓我唔好亂咁試新野。佢午餐嘅選擇唔算好多。去親台式餐廳成日都係叫牛肉麵就算，今次見呢度有個比較新鮮嘅野食，豬手沾麵，心入面覺得好神奇，沾麵唔係日本野黎嫁咩於是就抱住個勇於嘗試嘅心去冒下險。野食上到枱之後我都呆左一呆，雖然我未聽過台式沾麵，但腦海入面想像嘅樣都唔係咁，佢嘅賣相比我想像之中...頹。可能因為比佢嘅賣相嚇一嚇，食落口覺得味道冇想像之中咁差，都算係正正常常嘅。味道都冇佢個樣睇落去咁冇味，但都係偏清淡嘅口味。出事嘅地方係豬手，韌得濟，好難咬得開。白蘿蔔都好多渣但我覺得更加出事嘅係杯珍珠奶茶。本身特登叫左用外賣杯裝，諗住可以食完一路行一路飲，最後都係冇攞走度。叫左微糖，甜度都可以接受，但佢茶味真係幾淡，飲落口雖然唔係話係一陣奶味咁嚴重，但成杯野就係一個淡字。