影片
更多
2024-06-09
176 瀏覽
機緣巧合入去朗屏做啲嘢，無食飯又唔知有咩食，咁啱見到呢間腸粉檔，個樣雖然黑掹掹，好似幾污糟，但貌似老店仲係街坊小店，就不妨試試。走埋去見到個疑似人頭係廚房位置伸伸縮縮，就問聲唔該，仲有無腸粉？無回應，人哋做緊嘢咁我等一陣，兩分鐘後有個阿婆拎住大樽豉油走出嚟，第一句就話賣嗮會棟個牌，你問咩呀？OK，我明有啲人係講嘢倔啲，無惡意既，於是繼續啦，由點腸粉燒賣魚蛋到落咩醬，全程都寸寸貢，負到爆，咁好喇，妳咁唔想做，咁我以後都唔會打搞妳老人家喇。最後買咗腸粉燒賣魚蛋各五蚊，係平既，但都係將價就貨，啲腸粉工廠貨無咩講，但啲魚蛋燒賣就食得出係最cheap嗰啲貨，難食都算，仲要凍冰冰，阿婆，有啲良心好嘛。最慘係啲豉油有種怪味，應該自己調，仲要倒好多落腸粉度浸住，又鹹又怪味，真系唔明點解可以做到變老店。呢啲所謂街坊老店真係唔可以一廂情願咁以為佢哋都有乜鬼人情味，都可以好似澳牛咁既待客態度。咁多人北上，唔會無原因既
最後買咗腸粉燒賣魚蛋各五蚊，係平既，但都係將價就貨，啲腸粉工廠貨無咩講，但啲魚蛋燒賣就食得出係最cheap嗰啲貨，難食都算，仲要凍冰冰，阿婆，有啲良心好嘛。最慘係啲豉油有種怪味，應該自己調，仲要倒好多落腸粉度浸住，又鹹又怪味，真系唔明點解可以做到變老店。呢啲所謂街坊老店真係唔可以一廂情願咁以為佢哋都有乜鬼人情味，都可以好似澳牛咁既待客態度。
咁多人北上，唔會無原因既
怨氣怪味腸粉
$15
1 瀏覽
0 讚好
0 留言
張貼
