雲南啊老表黑山羊湯鍋米綫 (已搬遷) 新店位置

嚟咗佐敦試呢一間米線，非常之失望。首先男朋友所試嘅羊肉米線，羊肉冇羊味，肉有好鞋。而我所試嘅係雞肉米線，雖然有有一兩件都幾滑，但總括太多骨，肉又唔多。 成個米線都好淡口，湯底味道一啲都唔吸引。至於個土豆絲，首先係切得唔夠平均，而且咬落去一啲都唔爽口，好似未煮得好熟透嘅感覺。味道都頗為辣。雖然呢一個土豆絲價錢好平，只需要$18 ，但係真係一啲都唔好食。總括而言，雖然價錢非常合理，但係嘢食就真係唔係咁好食。