SUN HARU (威達商業大廈)

營業中

休息中

行過見呢間野新開，入面坐滿人數不小，諗住都無伏啦所以幫襯一下。坐落叫咗個韓式泡菜流水冷麵拼韓式無骨炸雞。上菜居然係茶記用來裝餐蛋麵個種黑色膠碗，算啦可能好食呢，食落完全唔係水冷麵個種味，甜得黎好淡，唔可以話唔好食，維持生命咁囉。個炸雞就根本係咕嚕雞球個種炸雞，完全無韓式風味，勝在雞本身幾滑，唔係掛名韓式可以一試。另叫辣炒泡菜牛肉飯，呢個就無乜特別好講，平平無奇無驚喜。講真佢價錢算正常啦向旺角，不過質素同擺盤向旺角有其他更好選擇，競爭力差小小啦。都係食完一次就唔會返轉頭。