十勝牛和食料理 (已結業)

今日又好夜自放工，就去左天耀呢間日本野食少少野。 佢有宵夜時段既食物架！今次影左d 餐牌俾你地睇，幾抵架，但係味道就麻麻。今次男朋友叫左個三文魚炒飯，而我就叫左個什錦壽司拼盆。個三文魚炒飯一黎到既時候我第一個反應係：「嘩，咁似楊州炒飯既！」哈哈！之後男朋友就話：「咩呀？有d 三文魚架！」哈哈哈！因為佢真係唔係好多三文魚。 個味道都真係幾似楊州炒飯，又唔係話佢唔好食既，不過就無咩日本既味道。什錦壽司拼盆有五件壽司，全部都普通唔會話好好味咁。想講下佢個wasabi，好似泥膠咁架，不過味係wasabi 味既，但就唔係好辣咁，哈哈！因為天水圍真係比較少日本食店，所以如果夜左又想食日本野既話，就只好揀呢間。如果對味道唔講究既，呢間野算係幾抵。