小南國 (已結業)

上次食完一次都OK ，而且仲送左一張Coupon，咁就再黎試試，可惜呢一間既味道麻麻地。前菜辣菜圃 - 我唔太好辣野，甜甜地，所以OK四喜烤麩 - 食就食過幾次，一直都唔知食緊d乜，即係食甜既酸齋咁。椒鹽小黃魚 - 即係黃花魚啦，不過太乾勒，煮到入面d肉汁都乾哂。嫩雞煨麵 - 淡而無味，雞唔嫩，面唔煨，淡過清湯，滾水煮面咁。小籠包 - 頂..d豬臭既，小籠包係有肉汁呀，但係d汁有一陣雪藏臭豬味! 香蕉豆沙鍋餅 - 成晚最好食既一碟，一口咬落去就有濃厚蕉味，D豆沙都唔算太甜，OK!雖然食物水準一般，但係侍應服務值得一讚，無話唔休做咁。