味閣海南雞飯專門店 (已結業)

呢日食晏時間再嚟到觀塘apm 五樓嘅food court 食飯。今次揀咗《味閣海南雞飯專門店》。叫咗個麻辣湯底三餸河粉，三餸分別揀咗牛丸、魚蛋及墨魚丸配凍可樂，一共$60。湯底望落帶點橙紅，以為好惹味，點知飲落冇聞冇味又唔夠鹹，只有輕微嘅麻辣味，好似溝左好多水咁。墨魚丸、牛丸口感同味道非常普通。另外，餐廳用咗魚片代替魚蛋，魚片味道極唔新鮮，雖然河粉嘅份量都算多，但老實講，呢碗河粉我真係覺得唔好食，就算畀再多河粉都冇用。好在罐裝可樂都仲夠凍。