正宗上海生煎皇 (已結業)

食咗個厚切排骨菜飯。塊豬扒嘅口感還可以，但係冇咩味，得個咸字，合埋眼唔知食緊咩，已經係係成個餐最好味嗰部份。個菜飯啲菜好少，個飯又油，有啲飯粒又硬又乾好難食。個餐可點小菜，叫咗涼拌青瓜。青瓜算係多水，不過我明明唔係叫麻辣青瓜，唔知點解個青瓜係有麻辣個種麻痹感。好唔鍾意呢種麻，如果餐牌寫明係麻辣，一定唔會叫。個餐送豆漿，就是普通豆漿一杯，無特別好或者唔好。環境感覺好唔乾淨，又黑忟忟，又焗，街外啲廢氣吹晒入舖。唔會再返嚟。