影片
更多
2021-05-01
368 瀏覽
路過見到都幾多人排隊，以為受歡迎就試吓。點咗芝芝黑葡萄($38)同嗰個雙奶蓋綠茶($26, L)。等咗好耐，期間睇住入面員工整飲品有啲求其。終於等到杯飲品，個奶蓋係全白色，飲落係好大陣奶粉味，無乜芝士味得陣鹹鹹哋味。個綠茶底真係好普通，飲咗幾啖已經掉咗。另外個黑葡萄都好一般，見到有啲似提子皮嘅嘢，應該有落吓果肉。總括而言，我自己覺得好伏而且又唔係平，對唔住個價錢。如果想飲啲有質素保證嘅手搖飲品，大家可以唔使試，附近應有更好選擇。
等咗好耐，期間睇住入面員工整飲品有啲求其。
終於等到杯飲品，個奶蓋係全白色，飲落係好大陣奶粉味，無乜芝士味得陣鹹鹹哋味。個綠茶底真係好普通，飲咗幾啖已經掉咗。另外個黑葡萄都好一般，見到有啲似提子皮嘅嘢，應該有落吓果肉。
總括而言，我自己覺得好伏而且又唔係平，對唔住個價錢。如果想飲啲有質素保證嘅手搖飲品，大家可以唔使試，附近應有更好選擇。
張貼