影片
更多
2023-05-22
320 瀏覽
4月9號食，真係唔希望再有人中伏，要提醒大家！(見到有post應該係當晚同場都係負評)當日一行7大人兩小朋友去慶祝屋企人生日，帶左蛋糕去切。啲野食陸續黎 :炸物/豬頸肉/肉碎生菜包都正常椰汁珍多冰 - 有「益」味😰青檸明爐烏頭 - 個湯底完全無味，吱哂成粒青檸先好少少🫠海南雞（原隻）- 黎嘅時候話見我地人多所以分開2碟俾我地，但食落發現係2隻雞黎，因為一碟滑啲一碟好「鞋」🙄黃咖喱（牛）- 啲肉都好柴等左40分鐘都未黎到炒雜菜同金邊粉，我地催左一次，然後有再加野食，到其他野食到齊係15分鐘後嘅事都未見炒雜菜同金邊粉，我地再催多次(兩次都好好語氣叫佢地幫手跟下order)過左10分鐘黎左碟炒金邊粉，我係一落枱第一個夾黎食…發現碟野外邊係凍嘅！再了開入面係出煙嘅，即係叮俾我地！（自己做飲食好清楚叮出黎嘅野食係點）再食兩啖係燶味！真係好嬲！足足等左一個鐘原來俾呢啲野個客食，叫人黎換過碟，當時有個呀姐已經唔好態度解釋無可能係叮俾我地食再同佢地講有雜菜未到，轉頭黎番碟金邊粉同雜菜，個雜菜鹹到起碼有4匙鹽，直頭入口會鹹到苦，個金邊粉係再炒過不過已經乾哂無味🙄壽星公忍唔住同侍應投訴，佢叫番頭先個呀姐黎
當日一行7大人兩小朋友去慶祝屋企人生日，帶左蛋糕去切。
啲野食陸續黎 :
炸物/豬頸肉/肉碎生菜包都正常
椰汁珍多冰 - 有「益」味😰
青檸明爐烏頭 - 個湯底完全無味，吱哂成粒青檸先好少少🫠
海南雞（原隻）- 黎嘅時候話見我地人多所以分開2碟俾我地，但食落發現係2隻雞黎，因為一碟滑啲一碟好「鞋」🙄
黃咖喱（牛）- 啲肉都好柴
等左40分鐘都未黎到炒雜菜同金邊粉，我地催左一次，然後有再加野食，到其他野食到齊係15分鐘後嘅事都未見炒雜菜同金邊粉，我地再催多次(兩次都好好語氣叫佢地幫手跟下order)
過左10分鐘黎左碟炒金邊粉，我係一落枱第一個夾黎食…發現碟野外邊係凍嘅！再了開入面係出煙嘅，即係叮俾我地！（自己做飲食好清楚叮出黎嘅野食係點）再食兩啖係燶味！真係好嬲！足足等左一個鐘原來俾呢啲野個客食，叫人黎換過碟，當時有個呀姐已經唔好態度解釋無可能係叮俾我地食
再同佢地講有雜菜未到，轉頭黎番碟金邊粉同雜菜，個雜菜鹹到起碼有4匙鹽，直頭入口會鹹到苦，個金邊粉係再炒過不過已經乾哂無味🙄
壽星公忍唔住同侍應投訴，佢叫番頭先個呀姐黎應對堅持話啲野食無問題，真係忍唔住講句叫廚師自己試下睇下食唔食得落
我地想快啲離開，叫人收拾好枱面幫我地上個蛋糕，清好枱後等左都差唔多10分鐘，屋企人去完廁所番黎話聽到佢地成班侍應話我地好L麻煩，多多要求，啲野食係咁催(但係我地係40分鐘後先追果2碟野，重點係我地附近3枱遲過我地都已經上齊野食，當中都有炒野)
最後我諗住去睇下個蛋糕點解咁耐未上，發現佢地拎左個蛋糕出黎放室溫，但無人準備緊上俾我地(連個包裝都未開)，已經又嬲又失望叫佢俾番我然後埋單
佢地派左個𡃁仔黎埋單，我屋企人已經忍唔住投訴，叫左呀姐過黎話個雜菜鹹到咁真係食唔到落口，金邊粉落左枱都係食左2啖(大家都食唔飽)，話係咪應該void 左去，但呀姐好堅持話因為跟餐無得退wo!當時我地張枱其實好近收銀處，個呀姐就對住經理鬧我地俾我聽到，仲見到個經理係收銀位碌完我張卡掉我張咭落枱，我真係忍無可忍想搵經理
正當我地起身走就見到個經理跑去第二間餐廳門口避開我地(成層都係佢地的不過間開幾間餐廳，你地可以睇番張單個頂)，我忍唔住鬧佢做咩要避開我地，今餐飯無論野食，服務態度（除左呀姐個𡃁仔都好無禮貌)，處理安排都好差，到我叫番個經理去收銀處要求退錢原來壽星已經投訴緊呀姐態度當然佢堅持話自己乜都無講過，仲話繁忙時間等候時間係咁上下啦又話係廚房唔肯整我地個order，真係莫名奇妙，個經理即刻話退番個金邊粉錢同道歉，不過都係抱住打發我地嘅語氣講。
同行有小朋友我地都唔想糾纏，退左個金邊粉錢就走
今次真係又難食又食唔飽得一肚氣!
張貼
