丸亀製麵 (已結業)

今日係樂富行街，行到食晚飯時間係樂富見到依間餐廳未試過，今晚就試下。    入到店內，見有好多座位，所以直接行去點餐，我前面有位哥仔慢慢點左兩個麵，企左四分鐘，之後到我點左個豕肉烏冬（大）$46，我再前行又等同一位哥仔點完佢兩件天婦蘿，之後我點左胡麻雞件同海老天婦蘿$20，加罐可樂$8，加埋$74，不過我前面位哥仔同店員爭論優惠既問題，我攞住碗有湯既烏冬等左三分鐘先可以比錢坐埋枱食飯。    我一開始食左兩件天婦蘿，胡麻雞件幾好食，好原創，不過兩件天婦蘿一d都唔熱。之後食烏冬，湯味好濃，不過烏冬麵質過冧。食完，慢慢張盤放返比餐廳。     今日依餐飯食物除左烏冬外，全部都係d已經煮好而且唔熱既食物，服務方面，入餐廳就知唔會比多我，不過我覺得我行去點餐，店員問聲我想要咩，總比今次，唔出聲等我講野好，而且如果我前面如果有十個人等點餐，我相信過烏冬都唔洗食，我比較喜歡用同價錢食到更好食既野或更好服務。