甜品工房 (已結業)

今晚同朋友食完飯,想食甜品就諗住近近哋食啦!見到佢有雪花冰咪試吓啦! 點知朋友飽得濟話唔食唯有買外賣!問佢雪花冰有冇得外賣佢話有,咁咪叫個香蕉雪花冰囉,問佢有冇咩料,個待應竟然答有三樣嘢囉,好正常會問佢咩嘢嚟啦,佢話唔知喎,廚房加咩咪咩囉唔知喎呢個答案真係...咁既服務態度真係唔得囉!唉個雪花冰$32佢一攞出嚟個碗超細好輕囉!心諗都知...不妙返到屋企一開一睇...d料,9唔搭8,哈密瓜5細粒,脆珠小小,最好笑竟然有d好似百香果漿囉!食咗小小都唔想食喇,超唔開心...