GoldBlack Creative Coffee Journey (已結業)

聽講依間咖啡好有來頭，咁就等我試下你係堅定流。去到響青衣城戲院嗰層，即係最低嗰層，揾倒依間GoldBlack，鋪面都整得幾靚。飲咗兩杯嘢，一杯係玫瑰咖啡， 一杯就係橙酒朱古力。 最後可以講係期望越大失望越大。先講玫瑰咖啡玫瑰同埋咖啡味都係完全極之咁淡。 佢嘅味道可以講係我飲過嘅玫瑰咖啡裏面嘅中下級數，但係個價錢就係中上級數。如果橙酒朱古力就更加搵笨， 橙酒味就真係諗唔到，橙皮就見到一塊。 如果我係要一杯跟餐既咖啡，加杯茶廳凍朱力，咁佢係過得去既。但我俾成九十蚊買兩杯咁野… 就揾笨囉，大把選擇好過你…咁樣嘅級數真係好難再幫襯下一次。 希望你哋之後做得好啲。