影片
更多
2008-07-20
12 瀏覽
噚晚同朋友一齊響荃灣Outback食晚飯, 以下就係食物同服務的評語.食物方面:我地一共三個人, 點了三個肉眼扒同兩杯Mango Smoothies. 有黑糖麵包同洋蔥湯跟餐. 黑糖麵包同以前一樣, 甜甜地同脆脆地, 幾好味, 而洋蔥湯就真係令人失望, 超勁咸, 就算連麵包一齊食都頂唔順, 我地三個人都只係飲左少少.主菜五成熟的肉眼扒都煎得唔錯, 味道唔會過咸, 肉質夠腍, 而飲品Smoothies就酸酸地, 幾好飲, 不過比起以前, 份量少左一半.服務方面:每次去Outback都有侍應介紹食物, 但係今次冇不特止, 個侍應落單, 落到錯哂, 要朋友提議我地自己一個一個好慢咁講俾佢聽. 問佢點解drink list冇汽水選擇, 佢只係口頭話有, drink list冇包括在內, 咁食客點知價錢呢?到落主菜的時候, 我地坐響落菜位側邊, 睇到有個侍應將人客飲完插住飲管的杯放響四份將要上台的牛扒中間, 碟與杯之間根本冇距離. 好唔好彩其中三碟係我地的, 我即時同上菜的侍應講, 就係呢個侍應放杯響中間的, 佢講唔好意思, 跟住將牛扒遞俾另外一個唔知係帶位定經理的人上菜, 我地再講一次好唔衛生
食物方面:
我地一共三個人, 點了三個肉眼扒同兩杯Mango Smoothies. 有黑糖麵包同洋蔥湯跟餐. 黑糖麵包同以前一樣, 甜甜地同脆脆地, 幾好味, 而洋蔥湯就真係令人失望, 超勁咸, 就算連麵包一齊食都頂唔順, 我地三個人都只係飲左少少.
主菜五成熟的肉眼扒都煎得唔錯, 味道唔會過咸, 肉質夠腍, 而飲品Smoothies就酸酸地, 幾好飲, 不過比起以前, 份量少左一半.
服務方面:
每次去Outback都有侍應介紹食物, 但係今次冇不特止, 個侍應落單, 落到錯哂, 要朋友提議我地自己一個一個好慢咁講俾佢聽. 問佢點解drink list冇汽水選擇, 佢只係口頭話有, drink list冇包括在內, 咁食客點知價錢呢?
到落主菜的時候, 我地坐響落菜位側邊, 睇到有個侍應將人客飲完插住飲管的杯放響四份將要上台的牛扒中間, 碟與杯之間根本冇距離. 好唔好彩其中三碟係我地的, 我即時同上菜的侍應講, 就係呢個侍應放杯響中間的, 佢講唔好意思, 跟住將牛扒遞俾另外一個唔知係帶位定經理的人上菜, 我地再講一次好唔衛生, 竟然將未食的食物同人地食完的食物放埋一齊, 個帶位定經理黑哂口面, 話"咁即係再整過呀? 要等喎!", 我地幾個都有些嬲, 佢冇講唔好意思, 仲態度咁差, 如果唔係我地都唔會要廚房整過, 之後等左25分鐘先有, 仲要係同一個帶位黑住口面問"生熟對不對?", 當然都係半句唔好意思都冇啦.
而果兩杯Smoothies我地八點半落單, 竟然九點二都未有, 所以催侍應, 佢話整緊, 竟然要到九點半先有, 足足一個鐘.
今時今日咁既服務態度, 都算真係有性格喇, 我地以後都唔會再去食野, 費事食一肚氣都夠飽, 此次消費大約610蚊三位.
張貼