影片
更多
2016-08-06
643 瀏覽
買了蹓冰團購，約埋一班肥髀朋友仔一齊蹓足兩個幾鐘，腳斷咁滯！蹓完冰大家都好肚餓，又無力去好遠嘅地方！最後去咗蹓冰場旁嘅餐廳搵食！同學仔揀咗呢度，餐牌食品選擇其實唔多！肥髀想食鐵板牛扒，點知賣晒！所以揀咗雞扒！店員落單爽手，八達通比錢方便！比錢後收銀比單據及呼叫器我，叫我搵位等人送食物！第一次見快餐店用呼叫器！座位上有放呼叫器嘅位置，座椅設計新穎！鐵板等咗足足25分鐘先到！（睇手機相片時間）鐵板香煎雞髀扒拼黑椒雞肉腸燒汁（$60）賣相好怪，同參考圖片相差好遠，首先鐵板唔夠熱，配菜竟然係白菜仔（真係未見過西式鐵板菜用白菜仔）同椰菜，燒汁另上幾好，可以選擇落嘅分量，味道正常，雞扒厚身，皮唔夠脆，唔落汁切都係淋嘅，肉質淋身唔嚡！無雪味！香腸好粗，皮較厚，入面黑椒味唔重，唔會辣，肥髀都食到！粟米火腿粒飯：細到餵雀仔咁，白汁味好怪，粟米正常，火腿比較韌，白飯正常！蒜茸包：爛嘅都照上，甩皮甩骨咁，蒜茸味欠奉，只係普通牛油豬仔！麵包偏乾！差！凍檸茶：肥髀飲低糖綠茶（$9）好多冰，綠茶味正常！微甜好味！店員服務正常！不過要改善上餐速度！一啲都唔係快餐！
肥髀想食鐵板牛扒，點知賣晒！所以揀咗雞扒！店員落單爽手，八達通比錢方便！比錢後收銀比單據及呼叫器我，叫我搵位等人送食物！第一次見快餐店用呼叫器！座位上有放呼叫器嘅位置，座椅設計新穎！
鐵板等咗足足25分鐘先到！（睇手機相片時間）
鐵板香煎雞髀扒拼黑椒雞肉腸燒汁（$60）賣相好怪，同參考圖片相差好遠，首先鐵板唔夠熱，配菜竟然係白菜仔（真係未見過西式鐵板菜用白菜仔）同椰菜，燒汁另上幾好，可以選擇落嘅分量，味道正常，雞扒厚身，皮唔夠脆，唔落汁切都係淋嘅，肉質淋身唔嚡！無雪味！香腸好粗，皮較厚，入面黑椒味唔重，唔會辣，肥髀都食到！
粟米火腿粒飯：細到餵雀仔咁，白汁味好怪，粟米正常，火腿比較韌，白飯正常！
蒜茸包：爛嘅都照上，甩皮甩骨咁，蒜茸味欠奉，只係普通牛油豬仔！麵包偏乾！差！
凍檸茶：肥髀飲低糖綠茶（$9）好多冰，綠茶味正常！微甜好味！
店員服務正常！不過要改善上餐速度！一啲都唔係快餐！
張貼
