南小館 (青衣城2) (已結業)

仲有一小時才夠鐘睇戲，想食少少嘢，又唔想行太遠，去咗戲院樓下的南小館，祇有一小時食飯，咁趕，原本冇諗住寫這間食評，但唔想其他人都中伏，實在忍唔住，食咗一半都要影相，所以以下食物相片都係得一半的。見乳鴿做緊特價，先來一隻試下。乳鴿唔算燒得太乾，但實在油到出汁，滴出來的油做多個炒飯都唔會黐鑊底。唔想食飯，所以叫咗個炒年糕，碟底嘅油，同樣係炒多兩碟都唔會黐鑊。諗住加個砂鍋雲吞雞，濕濕地，易啲入口，都係失望，相信一定係隻油雞🐔😂，湯面啲油多到以為師傅加咗油先煲隻雞，白色瓷羹清楚睇到每匙羹有三分一是油。😰唯一只有杯茶係較正常，雖然沖到好淡，但起碼唔會入口都有油到心跳嘅感覺。下次睇戲前要食飯，行多兩步去食個快餐都唔可以再考慮這店了，除非想增肥又唔怕三高啦。