牛牛日式火鍋放題 (海之戀商場) (已結業)

呢排有一間荃灣好多人推介關注度好高嘅日式火鍋放題店，個名叫做牛牛日式火鍋放題，地理位置相當方便就喺海之戀商場入面！呢間放題店嘅食物款式好多，嘢食種類多達80幾樣。無論係海鮮小食咋嘛嘅味道都唔錯。不過我食得最多嘅就係佢哋啲肉啦😛打邊爐點可以唔食肉啊？牛肉方面有三隻係食得最多嘅，丹麥封門牛柳、極上牛舌、牛胸腹。其實三款牛嘅質素都相當之唔錯，食落口都係有好香濃嘅牛肉味，只不過部位唔同所以個口感上面都會有唔同嘅變化。仲有平時好少見嘅澳洲綠草原羊肩肉都好多人食呀！見到咁多人食我都試吓，估唔到羊肉肉質都幾鬆軟😛湯底就揀左好鬼補嘅膠原豬骨鍋同日本風味嘅關東壽喜燒鍋。