阿元來了 (鴻圖道)

營業中

休息中

琴晚八點打去問幾點收舖幾點截單，收銀/聽電話嗰個話9:00 截單 9:30 收鋪。咁好啦，橫掂之後去apm睇戲，睇個樣趕得切就飛的落觀塘，9:00前剛好抵達店面。點知個阿姐一臉不屑咁講話截左單啦wor (冇尾音），我話，吓？我打左嚟問先趕過嚟，你自己剛剛話9:00截單，依家都未到九點。然後就用一大輪理由話啲野食已經賣晒啦，廚房已經執好晒野，你打嚟問時又冇話你會嚟，總之千錯萬錯係顧客錯，係我傻打嚟問然後相信店員既資訊係正確嘅。最差最嬲嘅地方係成個過程一句對唔住或者唔好意思都冇，總之我要收工，你唔好左Q住晒。最後，啲員工之間用國語交談，我真係認唔住問一句：請問您有歉意嗎？我打來問了然後趕來吃閉門羹這件事，請問你有不好意思嗎？店員用黑面作為回答。我甩門走人寫呢篇前碌左下其他寫評，原來服務差，冇冷氣，只比一杯水，鍾意傾計，趕客倒啲食物落肚因為要收工收鋪都係平常事。咁成件事就合理好多了，唔想做就同老闆講嘛，唔好咁樣丟台灣人的臉，拜托🙏🏻 祝你哋繼續好生意 日日做到收唔到工呀！