日之食放題館 (已結業)

呢間野d服務真係差!首先我7點左右去到, 但因為有2個人未到所以想係門口等住先...佢果到1半滿都未有但有一個應該係老闆的人一直叫我地入去,又話比多10分鐘我地..因為等齊人先入係禮貌所以我地唔入住. 個老闆就好唔滿意咁細細聲講左句野, 又話到時冇晒位唔關佢事..之後入到去佢比左個4人位(我地5個人)...問佢可唔可以比張6人位,佢話果張係8人位(明明只係放左6個餐具)....咁我地打算食完d小食先打邊爐, 食左一個鐘左右後叫佢開邊爐, 有個戴藍色帽的男人(可能係廚師)隔左陣走來講我地得返9個字唔會開爐比我地, 話要食咩佢煮...下!咁都得? 佢宜家個收費係打邊爐同食魚生要另外加錢wo..佢唔比我打, 又要收我$....跟佢1個半小時後佢來收錢.. 2個鐘後準時趕人走, 明明仲有空桌又冇點野食都都咁趕人走... 真係好唔滿意..係佢未有改善前我都唔會去!