翔龍拉麵小籠包 (已結業)

約左朋友觀塘食晚餐，佢話想食湯麵類因爲唔想咁熱氣，真係考起我啊大佬，最後去左呢間。其實好耐之前已試過覺得唔好食，今次俾多次機會佢啦。晚市，唔使等位直入。少少地想健康啲，叫左兩個麵同埋小龍包。嫩雞煨麵同雲吞麵啲麵都係差唔多，煨過同無煨過分別不大，雲吞麵嗰碗仲有鹼水味添。而雲吞同埋小籠包質素都只係合格，質素合格本身冇問題，但如果考慮埋價格就係唔合格。佢價錢同其他連鎖上海菜館嘅價錢差唔多，但係質素有明顯嘅高低。下次我都係留啲機會比其他餐廳。