麻布茶房 (已結業)

溫書溫到悶,去左尖咀搵野食,同琴日一樣,見到間野ｄ甜品雪糕果ｄ好靚咁,所以又入去試下啦...先泥既係...唔記得咩名啦,就係綠茶味既燒蕃薯雪糕咁啦,完全冇諗過佢下邊舊蕃薯係暖的,講真,同上邊既軟雪糕係味道同質感就唔太match,即使入邊夾左ｄ紅豆餡都係唔得(餡料冇任何味道可言),有點失望,菜單上仲要話佢係人氣食品!之後一個咩芝麻雪糕葛軟甜點之類既野,先試佢既芝麻雪糕,真係好好味!!!我鍾意佢果種唔係入口溶左就算既感覺,你會好明顯食到一粒粒磨碎左既黑芝麻係度的,好正好正,however...呢個甜品主sell既乜乜葛軟,可能我太慮淺啦,對我泥講係一舊落多左魚膠粉既糯米皮切成長方粒,粘上黃粉,簡單ｄ講,淡,本人嘗試將芝麻雪糕同佢一齊食,好左,但其實只係舊芝麻雪糕變得更有口感...最後我想講既係,我覺得唔抵食咯...