潮汕美食

營業中

休息中

人有病，心情唔好，唔想講太多說話，最好彩嘅就係跟住老細有免費嘢食。我老細係一個好特別嘅人，佢除咗係香料專家，仲係一個食評家，要同佢一齊就唔怕冇嘢食而且一定會食到你飽到上心口嗰隻，如果佢見到你唔食嘢仲會鬧你添，仲會逼你食我就因為病唔想食嘢，佢就迫我食碗粥，仲要逼我食蠔仔粥添，佢話食完蠔仔粥先有力量去復原， 記得前政務司司長講過，佢有一句名言，就係 you always agree with your boss， 我好肯定佢呢句說話教精咗好多人，包括我在內，我當然 agree with my boss 老闆大大叫我食蠔仔粥，我咪就食蠔仔粥囉蠔仔粥重胡椒味，味道鹹鹹地又夠鮮味，呢碗蠔仔粥有好多蠔仔，隻隻都算係大粒， 粥底都好似潮州粥咁樣稀稀疏哋，味道好營養高又容易入口，好味。