新廣發 (已結業)

今晚人比較多,我地有9個,等左一陣!入到去,佢地只係俾左一張大約for6-7人ge枱我地!我地9個都係男仔,有一兩個仲比較大隻,其實幾逼下!問佢可唔可以轉大枱,佢又話已經係最大...話可唔可以拉多張細枱,佢又話唔得...都預左冇servicing ge...但都唔係要我地逼到咁牙...不過大家打完波都攰,就算啦!親密D啦9個人一個鍋,都叫ok ge!要左個鴛鴦鍋!大家都出去拎野食,汽水.魚皮都幾脆口,沉返7,8秒左右食最好!其他食物以$7x-8x黎講質素唔錯,朋友聚會唔怕太吵都係一個好地方!而且任食的確係好正,就算唔食得多都唔會怕蝕!最鍾意食芝士丸,起碼食左4,5粒!我地9個男仔,食得最多就係肥牛啦!起碼食左6-7轉,每轉都係成隻碟滿晒,有時仲兩碟一齊tim!真係好正!肥牛都唔會係好cheap果D,肥同肉比例唔錯,唔會只係9成肥1成肉!有海鮮係佢呢度其中一個特色,不過大家今晚都係食肉獸,冇食海鮮!食左好多生菜!打邊爐,冇菜點得呀!!汽水亦的確好吸引,不過亦好快令到人飽左我都欣賞佢支裝汽水除左可樂雪碧仲有橙汁同最愛忌廉!食足3個鐘,時間非常足夠!不過唔知係咪我地太多野食,D碟放左係佢隔離