影片
更多
2012-05-04
45 瀏覽
見好多雜誌介紹呢間來自新加坡嘅老字號茶檔終於今日得閒來試下。下午3點去到唔洗等位，揀左窗口位，環境太逼，枱同枱距離好近。叫左2個set 再加1份多士唔洗100蚊，價錢算合理。米暹+咖啡（$58）：米暹係一個新加坡撈米粉，有芽菜、荳泡、蝦、恰蛋、炸乾蔥、蔥、青檸。芽菜啱啱熟依然保持入口索索聲；荳泡唔會太淋有咬口，最正係佢索左個汁好好味，佢個汁係酸甜汁，係青檸的酸好清新，好醒胃，喜歡食酸的一定極愛；蝦新鮮爽口；蛋冇咩特別；加左炸乾蔥令個味更香口。㨂左咖啡加煉奶，但我要少奶因為怕太甜，咖啡粉聲稱係由新加坡送來再混合印尼同哥倫比亞咖啡豆，咖啡偏細杯，顏色偏深，嗅落冇咩咖啡香，入囗咖啡味唔香同普通茶餐廳差唔多。法式燒蛋多士+煉奶奶茶（$30）：個多士個味有d似西多士，但比西多士冇咁油冇咁厚亦冇咁脆，個多士好Un 一d都唔脆，應該係一早烘定再返熱。西多加牛油糖漿，呢個就跟左牛油+咖椰喺碟邊，我先試淨食燒蛋多士，個多士質感已經唔好仲要完全無蛋香味，連一件普通烘麵包都不如，因為連最基本嘅新鮮香脆都欠奉。再搽跟包的牛油咖椰來食，呢度標榜咖椰係以斑蘭葉、椰奶、蛋、糖店內自製的；食落淨係覺得好甜，斑蘭味欠奉
叫左2個set 再加1份多士唔洗100蚊，價錢算合理。
米暹+咖啡（$58）：米暹係一個新加坡撈米粉，有芽菜、荳泡、蝦、恰蛋、炸乾蔥、蔥、青檸。芽菜啱啱熟依然保持入口索索聲；荳泡唔會太淋有咬口，最正係佢索左個汁好好味，佢個汁係酸甜汁，係青檸的酸好清新，好醒胃，喜歡食酸的一定極愛；蝦新鮮爽口；蛋冇咩特別；加左炸乾蔥令個味更香口。
㨂左咖啡加煉奶，但我要少奶因為怕太甜，咖啡粉聲稱係由新加坡送來再混合印尼同哥倫比亞咖啡豆，咖啡偏細杯，顏色偏深，嗅落冇咩咖啡香，入囗咖啡味唔香同普通茶餐廳差唔多。
法式燒蛋多士+煉奶奶茶（$30）：個多士個味有d似西多士，但比西多士冇咁油冇咁厚亦冇咁脆，個多士好Un 一d都唔脆，應該係一早烘定再返熱。西多加牛油糖漿，呢個就跟左牛油+咖椰喺碟邊，我先試淨食燒蛋多士，個多士質感已經唔好仲要完全無蛋香味，連一件普通烘麵包都不如，因為連最基本嘅新鮮香脆都欠奉。再搽跟包的牛油咖椰來食，呢度標榜咖椰係以斑蘭葉、椰奶、蛋、糖店內自製的；食落淨係覺得好甜，斑蘭味欠奉；牛油又冇牛油味。
煉奶奶茶比咖啡好得多，顏色偏深，一望係茶很濃的色，望落亦好滑，嗅落有茶香，飲落口好滑有茶味，質感好厚，只係本人不嗜甜，所以覺得煉奶太甜，下次我會試淡奶奶茶。
咖椰多士（跟餐+$10，單叫$16）：這是經典出名的，但確實好失望！多士同上面個多士一樣基本嘅新鮮都做唔到，咖椰同上面講嘅一樣，得個甜字，令人覺得好膩。
呢間舖頭標榜多士出名，但所有多士類都做得好差，吐司工房同樣來自新加坡，相比之下吐司工房出色好多；反而非推介的米暹極其出色，見到隔離枱叫左個咖喱望落都ok,下次再來一定翻食米暹，同埋試咖喱。
如果佢唔改善多士嘅質素，或唔改變策略推介非多士類食品應該唔可以生存太耐。
張貼
