麥當勞

營業中

休息中

麥當勞價廉物美，又有冷氣開放，我都明白好多人會喺嗰度打躉，但係有時真係令人好無奈。諗住食個晏啫，遇着一個唔戴口罩嘅大叔行嚟行去，最後仲坐咗喺我對面等位，叫人哋點食…….. 有客人唔戴口罩，其實真係會令到其他人好不安，好希望麥當勞嘅經理或者員工可以留意一下咁樣嘅情況。麥當勞最近有好多唔同優惠，今日就有全日都有珍寶早晨全餐食，不過我最後都係買咗安格斯漢堡。安格斯漢堡包夠牛肉真係好吸引，夠晒多肉汁。至於薯條方面，叫咗走鹽，另外自己加咗啲黑椒，咁都幾好食。不過食食吓，由於有陌生人坐在對面，都係打包返去先繼續食🤷🏻‍♀️🤷🏻‍♀️