臥龍正宗成都麻辣火鍋 (已結業)

首先，餐廳裝修幾有中國風，但個地下油到不得了，女仕著高跟鞋要行得好小心。麻辣火鍋湯底可以，但食材極唔扺食。叫左一碟脆鯇骨腩，上菜時係6片厚切脆鯇片，完全唔係骨腩。一碟凍豆腐，竟然是街市買嘅一舊普通豆腐切開八份，仲要未雪夠，上半份係凍豆腐下半份係普通豆腐。一碟黑豚肉，得8片。唯一扺讚係個鵝腸，夠新鮮，仲有個嚮鈴真係即炸，不過好多餐廳都做到。兩個人食，85折，叫左一枝細啤酒，完全無叫海鮮同牛肉，埋單一千蚊，呢個價錢同呢個食材嘅質素真係好唔抵。