美味廚 (已結業)

在銅鑼灣辦理外遊事宜, 老父想來加寧街這邊先吃飯, 本人從未來過美味廚便一起去了。平日午飯時間, 店已近爆滿,幸近門仍有一枱。門外寫有賣午市套餐(約40 元), 一問之下竟然是冇得賣(但好似有其他人食緊嘅 - 阿姐係咪玩我?), 唯有一人要一個菜飯加花旗蔘竹絲雞的餐($60@), 我要掛頭牌的排骨菜飯, 老父就要燻魚菜飯。湯先到, 有點點蔘味, 味精不算多, 收貨。但個排骨就真係唔得了! 味調的太甜(據說是此店特色, 算), 但炸到好似柴皮又點先! 咬都咬到牙崩呀。燻魚反而好一點, 但由於都是用炸的所以比較肥膩, 汁醬較多才顯得沒那麼韌。菜飯都夠多菜, 係多油啲囉。佢都算貴夾唔抵囉, 試過就算; 咁我送我第一個喊面俾佢。