神虎拉麵 (已結業)

上次1920到都無得食，今次我地1630到，原來晚市1800先開，哥仔笑笑口叫我地1730要番黎啦，咁我地上星街行陣先。1725落到去，已經有兩枱人等緊，1750左右，哥仔出黎同大家解釋d面每次只能做兩碗，大家要有耐心先食到好野。1750我地已經坐左入去啦。坐左入去唔代表咁快有得食，我地等左10分鐘左右，師傅終於俾我地碗面我地啦！我地見到得一塊肉真係有d失望，夾落就知唔惹少！塊肉又重又厚好好味，女仔黎講一塊都幾夠，男朋友話下次要食大d果碗，有4塊肉好正抖咁話呀！我地另外又叫左餃子，個汁有d 辣辣地，成隻都係肉，不過不失。我同男朋友都係食野慢既人，但係碗面食到完都仲好熱好熱，男朋友飲埋d湯得番少少湯起底都仲出緊煙，相信d湯真係煮左好耐，唔係平時好似豚王咁食兩野就凍哂。另外個湯濃得黎好好味，唔會愈食愈濃同咸。食完都唔覺口乾。一出門男朋友即刻話：好正，下次再食。