影片
更多
2014-12-28
5243 瀏覽
今天和舊同事聚舊，聖誕食肆是比較full，在尖咀找到這間食韓燒和韓式火鍋，還說是米芝蓮餐廳，就來試一試。已經book了檯，一上到去很多人在等位的樣子，我等了5分鐘安排了入座。一看餐牌，本身都預計係比較貴，但實在貴得有點離譜... 看到燒肉碟碟都要超過$200，portion 又細，燒肉唔包生菜唔緊要，打算叫籃生菜夾肉食減低肥膩感，點知一籃生菜5塊都要$60.... 看到有個煎豆腐，都有D興趣，但要$100/8塊.... 我又卻步了。於是我們點了份牛舌，一份豬腩肉，一份雪花牛。牛舌同雪花牛各6塊，豬腩肉就4塊。點了餐，會奉上前菜7小碟.... 有些味道都不錯。之後來了燒肉。無人幫手開火，要問。豬腩肉要自己用剪刀剪開，都唔緊要，但我個人覺得韓國食好食好多~ 都唔明點解呢度有米芝蓮.... 呢度有一半係韓國人的侍應，唔知係咪咁所以唔識開口講野? 叫你有少少碎剩低都唔收碟，要叫先識收；水又唔識倒，要自己倒；見到D食物同價錢既比例差咁遠，已經有D嬲嬲地，仲要0服務! 我們見唔夠飽，叫多左碟黃花魚同泡菜煎餅。加單都未到，佢見我們碟豬腩肉剩返一條，佢又想收碟，你一係問一聲，我們自己拎起佢燒，一係你幫
之後來了燒肉。無人幫手開火，要問。豬腩肉要自己用剪刀剪開，都唔緊要，但我個人覺得韓國食好食好多~ 都唔明點解呢度有米芝蓮.... 呢度有一半係韓國人的侍應，唔知係咪咁所以唔識開口講野? 叫你有少少碎剩低都唔收碟，要叫先識收；水又唔識倒，要自己倒；見到D食物同價錢既比例差咁遠，已經有D嬲嬲地，仲要0服務! 我們見唔夠飽，叫多左碟黃花魚同泡菜煎餅。加單都未到，佢見我們碟豬腩肉剩返一條，佢又想收碟，你一係問一聲，我們自己拎起佢燒，一係你幫我們剪完燒落去收碟，我認為係正常應有的服務態度，但好可惜，佢係一聲不出就將我們條豬腩肉放響爐就拎左碟走開左... 我們望住呆左，自己響個爐度拎返起條肉再剪開佢燒... 我唔明點解我比咁貴要無服務呢?
之後我們食完個泡菜餅同黃花魚後，果陣22:00唔夠，我們未埋單，book檯時佢話我們可以食到23:00，咁我認為我們可以坐一陣傾下計休息下，點知食完10分鐘，已經有人黎收起哂我們既碗筷，爐都收埋。佢無問我們加唔加單，亦無問D野黎哂未，就收起哂，咁你擺明唔叫野就趕客啦? 真係想再order多少少野叫佢比返個爐我同D碗筷我，但我費事再比錢佢賺，所以我們即時埋單走人...
張貼
