八八八拉麵 (已結業)

係尼度見有咁多好評，以為一定好食，點知.....我同朋友去 叫左兩個麵，一隻溫泉蛋。我同佢個麵唔同款，我叫左一號既麵，佢叫七號。我地兩個都覺得個麵太咸，而且唔係特別好味。我個一號麵 d配料好多肉碎同芽菜，如果冇豬骨，個樣根本就同米線冇分別。而個湯底微辣，又係好似米線小辣湯底咁。兩個人$130左右 埋單。唉...$50~60食個米線，真係唔抵。我自問要求唔高，味千我都覺得好好食。八八八同味千兩間都係日本野，都係食拉麵食主，但貴又貴過味千，野食又唔好味。最出奇係去八八八條走廊竟然有咁多明星簽名(我見到側田既簽名)，而尼度又咁多好評。想食拉麵，去味千好過。就算想食米線，都唔好去尼度食，好咸。我好似好激動咁，但我絕對冇抹黑。唔信既可以自己去試下，尼間野，真係唔值$50~60。