山景閣

營業中

休息中

朋友約我去食這處的下午茶自助餐，所以之前即上這個網睇下先，見都有幾位好強烈地稱讚這處又平又好食。雖然我都知72元，唔慌有太名貴野食，但24/5食完後，真係79元(加一後)都賠給這食肆。食物選擇好少，唔敢話有刺身，連壽司都好差，d飯好"淋"。熱的食物只有小籠包、燒賣、鹵水雞翼(見到都唔想食)、香腸、焗吞拿魚薯蓉，和一款類似無鍚骨咁，一d好平價的食物，無款好d的熱食，連可以飽肚的炒粉麪飯都欠奉，又無菜。生果只有西瓜和木瓜，都有一d 餅仔 (唔係靚酒店蛋糕) ，湯又無，只有一煲有魚肉的粥，行一次，已經無野吸引想食。唯一好少少的，有一款台灣牛肉麪可供填肚(但麪質都係好"淋"，唔好食)，但每碗只有兩片牛肉供給 (我相信他不會俾一碗淨牛肉過我吧)。我寧願去一間普通餐廳食過好d 的午餐，79元都有找。