Oliver's Super Sandwiches (已結業)

喺九龍塘學完車，有未婚妻過嚟陪我食早餐💕，本身想入去城大入面嘅餐廳搵食，不過眼見就快過11點，驚去到冇早餐，所以留咗係又一城搵食。今次就揀咗食Oliver Super Sandwich。我就點咗份蕃茄🍅炒蛋拼Pancake🥞薯仔粒🥔。炒蛋炒得唔錯夠滑，不過蕃茄略嫌酸了一點，影響咗蛋嘅味道。Pancake薄薄哋好易切，但薯仔粒就有點硬，煮耐啲效果會比較好。整體合格，不過下次來又一城食早餐會試下其他餐廳先。