美新茶餐廳 (已結業)

開完會要搵地方食嘢, 唔清楚佐敦有咩好嘢食, 就是旦入左呢間 ....... 入去都未坐低, 亞姐已經不停追問要食咩 ... 大姐, 你比人坐好睇下先啦, 睇都未睇點答你呢 ... 由於亞姐不停在身邊追追追, 所以只係是旦叫左個黑椒牛柳客飯, 等左差唔多半個小時, 見人地遲過我叫的都有嘢食了, 問一問亞姐, 亞姐不怳地說"叫炒嘢一定耐架啦" , 問題係我坐左半個鐘, 跟飯的湯都重未上, 但見亞姐的態度, 唔敢問了 ... 再等15分鐘, d嘢都係未上, 身邊另一枱的客人已經發火要cancel張單, 一個可能係老板的男人才走出嚟就已經做緊, 好快就有了, 我忍唔住再追我的嘢食, 佢即時攞出嚟, 不停話唔好意思 ....睇嚟碟餸應該已經炒好一段時間, 已經開始凍了, 不過算了吧, 已經好肚餓, 有得食已經好好了, 味道 ... 冇味道的, 正常嚟講肚餓時應該無論食咩都會覺得好味, 但 ... 真係一d味都冇, 點椒唔辣, 牛柳係牛柳絲, 一d肉味都冇, 連碗湯都係好似清水咁一d味都冇 ... 最好味應該係碗飯, 至少是熱的 ....下次 ... 應該冇下次了 ...