影片
更多
2023-01-01
119 瀏覽
以前冇寫過食評，但今次第一次去食呢間mini Friday ，真係一個好差嘅體驗要記錄一下Book左20:15，準時到，但佢哋未準備好張枱，侍應仲要好晦氣咁樣叫我哋響門口等，叫我哋唔好催佢，說話極晦氣，無招呼，無叫留位貴姓，淨係叫留位電話邊個邊個…好似叫緊乞兒咁終於入到去，安排坐到勁入貼近廚房出入口，一坐低已經冇人響身邊理你。張枱枱面已經係污糟自己抹。Dinner只有一個Christmas and new year set，熱門食物大部分都放在set入面，所以你想散嗌係選擇少，基本上焗人揀set，唔緊要，大時大節出嚟食預左價錢比平時貴，但起碼都要對得住埋單$1125/2人餐。食物味道一般，無伴碟，無美觀，無service，每道菜都要催先有，甜品叫左個心太軟等左45分鐘以上都未出倒。叫咗2次可以上甜品，但應該冇理到我哋。所以大家都唔好期望佢個特惠時段送嘅火焰雪山，隨時等到閂門都未有得食，我哋最終冇食就走咗，聽到隔籬枱都等咗接近45分鐘先有個火焰雪山，個火焰仲要唔着嘅前菜salad一般，好少西餐廳會用不鏽鋼碗裝住，有啲唔得體。水牛城雞翼正常，有4隻，隔離又配咗沙律菜，但無啦啦配埋幾粒爆爆珠
Book左20:15，準時到，但佢哋未準備好張枱，侍應仲要好晦氣咁樣叫我哋響門口等，叫我哋唔好催佢，說話極晦氣，無招呼，無叫留位貴姓，淨係叫留位電話邊個邊個…好似叫緊乞兒咁
終於入到去，安排坐到勁入貼近廚房出入口，一坐低已經冇人響身邊理你。張枱枱面已經係污糟自己抹。
Dinner只有一個Christmas and new year set，熱門食物大部分都放在set入面，所以你想散嗌係選擇少，基本上焗人揀set，唔緊要，大時大節出嚟食預左價錢比平時貴，但起碼都要對得住埋單$1125/2人餐。
食物味道一般，無伴碟，無美觀，無service，每道菜都要催先有，甜品叫左個心太軟等左45分鐘以上都未出倒。叫咗2次可以上甜品，但應該冇理到我哋。所以大家都唔好期望佢個特惠時段送嘅火焰雪山，隨時等到閂門都未有得食，我哋最終冇食就走咗，聽到隔籬枱都等咗接近45分鐘先有個火焰雪山，個火焰仲要唔着嘅
前菜salad一般，好少西餐廳會用不鏽鋼碗裝住，有啲唔得體。水牛城雞翼正常，有4隻，隔離又配咗沙律菜，但無啦啦配埋幾粒爆爆珠甜味好似唔match。
個main叫左肉眼扒，先唔好講佢落單冇問要幾成熟，出到嚟嘅成品係完全冇味，同街市買一塊厚薄冇分別，仲要煎燶曬邊，超多筋，$888set，肉眼另加$68，無厚度，無肉味，配菜係薯蓉，但已經係用咗做一堆嘅薯蓉，而唔係一舊。唯一比較正常好食嘅係明太子帶子長通粉，雖然帶子炒燶左有焦
枱面個service鐘係廢嘅，㩒幾多次都唔會有人過嚟，所以都係等有人經過先可以問嘢/落單。個service charge根本唔值得俾，因為唔會有人想停低應你，更何況招呼你？？聽到扮聽唔到
總括而言，聖誕新年佢擺明車馬收貴你，但提供嘅食物，環境，服務都比平時差好多好多，以呢個價錢，接近人均$600，可以有好多選擇，就算大時大節都唔需要幫襯佢
張貼