新記車仔麵 (已結業)

上星期六, 諗住趁年三十去CWB 作最後衝刺買鞋過年, 行到肚仔餓就搵野食啦！剛行完times square, 想食車仔面, 記得呢個後巷有間車仔面檔, 就入去試下啦！點知真係不知所謂呀！不知是否我叫錯送呢？當日, 我是叫米粉的, 送就有：紅腸、蘿蔔、咖喱魚旦、西洋菜, 除左咖喱魚旦外, 其他都一般啦！唯一讚的是蘿蔔, 夠林、夠味, 但都只得3 舊（但收＄6 份）, 紅腸都係得4塊左右（又係計一份＄6）, 都算幾貴！至於咖喱魚旦, 嘩！一咬落去, 係實的, 細細粒, 真係估佢唔到囉！好似食緊一舊打得好實既粉團咁。d 湯係無咩味既, 但d 咖喱汁就好黃囉, 令到碗粉都變埋黃色, 好似仲有少少螢光色添呀～雖然好黃, 但我又唔覺得有咖喱味囉... 真係失敗之作！食左呢碗米粉+一罐可樂, 共＄38！碗面實在太細、送又小, 我諗正常食量都未必夠呀！每款送咁少, 都唔知係咪想人地叫多幾款, 收多d 呀！佢每款送都係計＄6份的。