影片
更多
2010-12-06
14 瀏覽
一直都有d想試這間餐廳, 終於上星期五去了一趟, 點知完全失望首先. 招呼欠奉, 個"部長"見到我帶住兩個小朋友, 一個工人, 即時眼啤啤, 黑面蒹唔出聲招付, 仲要成日打量我哋, (唔知佢係咪以為得我一個人係食, 而工人就只係照顧小朋友, 我ｄ小朋友好細個不用比錢． 或者以為我比一個人錢, 但就拿食物比佢地, 總之, 佢嘅眼神, 同埋佢望住我啲小朋友的表情, 都令我覺得佢唔係歡迎我囉!) 而我當然係比埋錢工人同小朋友食啦首先，入座已見到隻飛蟲（唔係蚊，個身型就同蚊差唔多大，好似毛聳聳個種飛蟲），喺個位飛來飛去唔走, 咁我就立即撥走佢, 點知撥極都喺度, 個侍應係度set完枱, 完全冷眼旁觀望住, 毫無幫手, 咁都ok, 算啦, 我出去拿食物以為食泰+日式嘢, 點都有d地道嘢, 例如炒蟹, 波籮炒飯個d, 點知一律欠奉...食物種類少, 質素亦甚差...泰式食物:1) 冬蔭功湯: 好水, 無料, 只有少少菇, 無任何海鮮嘅鮮味, 同有味水無分別...不過酸酸地都可以開吓胃...2) 泰式炒雜菜: 賣相唔好(尤其是椰菜花), 無味, 硬,,難食...!最後仲因為有另一隻細蚊滋飛入來碟餸
首先. 招呼欠奉, 個"部長"見到我帶住兩個小朋友, 一個工人, 即時眼啤啤, 黑面蒹唔出聲招付, 仲要成日打量我哋, (唔知佢係咪以為得我一個人係食, 而工人就只係照顧小朋友, 我ｄ小朋友好細個不用比錢． 或者以為我比一個人錢, 但就拿食物比佢地, 總之, 佢嘅眼神, 同埋佢望住我啲小朋友的表情, 都令我覺得佢唔係歡迎我囉!) 而我當然係比埋錢工人同小朋友食啦
首先，入座已見到隻飛蟲（唔係蚊，個身型就同蚊差唔多大，好似毛聳聳個種飛蟲），喺個位飛來飛去唔走, 咁我就立即撥走佢, 點知撥極都喺度, 個侍應係度set完枱, 完全冷眼旁觀望住, 毫無幫手, 咁都ok, 算啦, 我出去拿食物
以為食泰+日式嘢, 點都有d地道嘢, 例如炒蟹, 波籮炒飯個d, 點知一律欠奉...食物種類少, 質素亦甚差...
泰式食物:
1) 冬蔭功湯: 好水, 無料, 只有少少菇, 無任何海鮮嘅鮮味, 同有味水無分別...不過酸酸地都可以開吓胃...
2) 泰式炒雜菜: 賣相唔好(尤其是椰菜花), 無味, 硬,,難食...!最後仲因為有另一隻細蚊滋飛入來碟餸內，於是成碟無食．
3) 炒蜆: 超級細隻, 無味, 得番d殼都長期無人refill...
4) 炸物: d唔知係咪多春魚嘅魚, 超細條, 仲要得番一兩條兼比d人篤爛, 令人完全唔想拿. 其他炸物凍冰冰, 唔脆...款式少.
5) 煎魚餅: ok，算係最好味．
6) 香葉包雞: 無味, 唔香...
7) 有紅, 黃咖哩, 但當我見到旁邊盛白飯個大羹用碗水浸住, 唔知點解我覺得好肉酸, 卒之我無試
日式食物:
1) 雞翼! 居然有好似鹵水雞翼嘅食物, 我唔expect會喺buffet食雞翼囉...!!
2)三文魚腐皮卷：又梅又林，無三文魚味
3)刺身：行去個刺身bar度，聞到個環境有腥腥嘅味道，我都照拿，但看見顏色就不新鮮，於是我沒有食，而我工人食了就話唔新鮮！
4) 蝦：好似白灼蝦咁，我無食，唔知好唔好食...
5) 大豆芽蜆肉湯：完全係無味嘅水，好．唔．掂...
6)清蒸龍脷柳：其實呢隻魚清蒸已經係怪，但我心想應該唔差啦！點知又梅又林又無味，我吐都吐唔切
由於我對呢度嘅食物已經無信心，我完全無拿沙律bar的食物...
我去個洗手間，仲要剛剛無咸水，要自己筆水沖廁，地板濕立立...好彩壽司bar位師傅都叫有心，提我小心地滑．
之後有個淥熟食嘅雪櫃（係好似便利店個ｄ放叮叮食物嘅雪櫃），比你自己攞食物，個賣相衰ｄ講，好cheap, 我把心一橫，心想淥菜食食飽佢啦！點知款式都係好少，d日式魚蛋，獅子狗，全部都係無味架！而ｄ湯就都係無乜味，不過總叫清清地填飽個肚...
然後，我發現甜品係喺門口嘅，我見到所有甜品都係就咁放係個同頭先自助淥嘢嘅雪櫃一樣嘅櫃度，見到都無興趣攞，於是就去煎pancake.我工人點了芒果，（佢話好梅，芒果好唔新鮮，佢仲吐回出來唔食），而我睇見阿姐將ｄ預先pack好出來嘅罐頭雜果放在我的pancake上面，我都無乜興趣再食．．
最後，我拿了杯牛奶公司雪糕比小朋友，似乎呢樣最信得過．．．
總括來說，既然這餐廳是以自助餐做主打，就應該在提供的食物質素，新鮮度方面提高水準，呢度ｄ食物唔好食，賣相不吸引，仲要毫無誠意，例於ｄ蜆超細隻，多春魚又超細條，樣樣嘢都無質素，比我覺得係為了賺錢，就將貨就價，比d cheap 嘢人食囉！講真，二百元以下我亦不期望會食龍蝦，鵝肝等貨色，我只係期望會食到好味地道嘅食物遮！泰式食物唔係甚麼貴價貨，不過這裡連這些食物都完全唔好味．
最後我埋單走人，連餐茶都無叫，比成百多二百元一餐，去其他餐廳有大把選擇．．
以後都無可能再去幫襯！
張貼