影片
更多
2022-11-27
1914 瀏覽
見上網有人介紹新親子餐廳，就去試下打電話預約即晚有位，可以玩3小時去到門口，確認預約就入餐廳成個場好大，好新淨，好多枱，但全場得大約6個家庭好少人😅坐底職員問係唔係會員我地話唔係，第一次黎職員話要2個大人都入會先可以享有會員價既野食，只係叫我地填表，跟手叫我地自助落單叫野食就走開左如果唔係黎之前自己上網睇左資料啲職員係由入場到坐底都無主動講過點收費法就咁walk-in 既客人都幾危險…上網見話大人會員入場費會包一個餐同飲品結果一睇menus 同網上既又唔同左…所謂包既餐得2個，1個睇相唔吸引（連小朋友都唔揀），另1個係辣既即刻點都要加錢食野啦，明明睇上網2個月前人地推介個menus有一半都唔駛加錢…😓自助落完單小朋友就急住去玩玩左一陣返去就發現野食已經到左有用膠蓋蓋住食物，但同時個膠蓋壓住啲野食….份量算細份，兒童餐對於4歲黎講岩岩好…大人餐就唔夠食總體食物味道正常，唔叫好食亦唔係最差囉遊玩區設施種類多既，小朋友玩得好開心但同場職員臉口都幾黑，一啲笑容都無職員會望實小朋友玩左咩，唔係擔心安全，而係不停咁執番啲玩具連我小朋友只係行開去拎多樣玩具，我企係附近，個職員即刻執走啲玩具，我小朋友
打電話預約即晚有位，可以玩3小時
去到門口，確認預約就入餐廳
成個場好大，好新淨，好多枱，但全場得大約6個家庭好少人😅
坐底職員問係唔係會員
我地話唔係，第一次黎
職員話要2個大人都入會先可以享有會員價既野食，只係叫我地填表，跟手叫我地自助落單叫野食就走開左
如果唔係黎之前自己上網睇左資料
啲職員係由入場到坐底都無主動講過點收費法
就咁walk-in 既客人都幾危險…
上網見話大人會員入場費會包一個餐同飲品
結果一睇menus 同網上既又唔同左…
所謂包既餐得2個，1個睇相唔吸引（連小朋友都唔揀），另1個係辣既
即刻點都要加錢食野啦，明明睇上網2個月前人地推介個menus有一半都唔駛加錢…😓
自助落完單小朋友就急住去玩
玩左一陣返去就發現野食已經到左
有用膠蓋蓋住食物，但同時個膠蓋壓住啲野食….
份量算細份，兒童餐對於4歲黎講岩岩好…大人餐就唔夠食
總體食物味道正常，唔叫好食亦唔係最差囉
遊玩區設施種類多既，小朋友玩得好開心
但同場職員臉口都幾黑，一啲笑容都無
職員會望實小朋友玩左咩，唔係擔心安全，而係不停咁執番啲玩具
連我小朋友只係行開去拎多樣玩具，我企係附近，個職員即刻執走啲玩具，我小朋友返到去呆左
成個場感覺都幾乾淨，今晚應該叫少人去玩，無乜爭玩具又無乜碰撞
不過問我就唔會再帶小朋友去，太貴啦，2大2細假日去要千三蚊，試過一次夠皮🥶
張貼