龍宴 (已結業)

呢度有我鍾意嘅人參烏龍茶，仲有個火㷫住個茶壺，保證啲茶夠熱。（貴賓房先有，茶錢比大堂貴$5）睇係幾好睇嘅，不過我就嫌啲茶太熱，我吹熄咗啲火🤣。人參烏龍茶（6.5/10）我好鍾意飲人蔘烏龍，但唔係好多酒樓有，咁難得有就梗係試吓啦，茶味帶少少甜，但可惜回甘味唔夠。鐵觀音（7.5/10）茶味夠濃，都幾香，唔錯。鳳爪排骨飯 （4/10）個飯腍bat bat，完全唔得，3.5分係比鳳爪同排骨。鹹魚肉餅飯 （6.5/10）呢個飯好少少，冇咁腍。鹹魚肉餅就正正常常。蟹籽燒賣皇 （3/10）又係腍bat bat，仲有少少苦味。水晶鮮蝦餃 （7.8/10）終於搵到個叫食得下，皮都算薄，蝦都大粒食落都爽口。香煎蘿蔔糕 （5/10）冇乜餡料，粉多，似係係台灣食嘅菜頭粿。薑汁雞包仔 （7/10）影漏咗張😂包都軟熟，仲有啲薑絲餡料都多，都OK 。總結：食物好多都唔得，茶都叫飲得下，但我應該都唔會有下次喇。