寶琳冰室 (新都城中心三期)

營業中

休息中

食嘢好似俾錢買難受咁。啲員工語氣勁差，好似想吹你快啲講完咁。唔知點解，呢度嘅員工都好有默契，我問完一個問題之後我諗住嗌嘢食嘅時候佢哋就會走開，唔繼續聽落去，好似有十萬九樣嘢等着佢哋做。問完個飯可唔可以加底之後佢走開。問佢有冇紙巾，同我講完一包紙巾$3我啱啱諗住話買佢就走開咗。第一次嚟食，等佢個飯等咗五個字，問佢可唔可以快啲，佢同我講等多陣，轉左個頭去做第二啲嘢。最後得出嚟個碟就鬼死咁大碟，雞排就仲細過一個拳頭，加多兩條菜。第二次嚟食嗰個咖喱牛腩飯，啲牛腩好似攞去煲湯嗰啲牛腩咁，成兜汁得嗰三舊牛腩，有一舊唔知計唔計好因為爛到已經唔可以再形容為一舊牛腩。啲份量又少，人又態度差。如果唔係呢間嘢開到凌晨兩點本來真係唔會考慮再嚟一次。而家就算佢開到凌晨三點我都寧願去食麥當勞。