谷媽媽小店

營業中

休息中

住喺大坑多年，幫襯咗谷媽媽多年，食物雖然比以前油膩，不過既然不過不失，又近屋企，仍繼續支持呢間小店。由好耐之前開始已經經常外賣鎮江骨菜飯和雞扒蛋飯，後來覺得餸汁越黎越油膩，唔想菜飯最後被油浸滿變油飯，就每次提出餸和飯要分開擺，每次短髮姐姐都幫我用一個有兩格嘅外賣盒將飯和餸分開擺，點知今日如常去外賣呢兩個飯，如常提出餸和飯要分開擺，老闆娘谷媽媽卻用四個外賣盒幫我擺，我問佢可唔可以俾我果個有兩格嘅外賣盒，佢話「我地無果種盒架喎！」，我話「之前買開都係俾果隻盒架喎」，佢堅持「我地無架！」其實一個外賣盒收兩蚊，已經算貴，今日因為撞到嘅係老闆娘，洗係外賣盒嘅價錢由平時嘅四蚊變做八蚊，錢都唔喺最緊要，最扯火係佢唔誠實，明明之前次次都俾果種盒我，今日佢竟然擘大眼講大話，話佢哋係無果種盒嘅，為咗賺果少少外賣盒錢而唔誠實，真係唔可以接受，我無繼續同佢嘈，因為以後唔幫襯就夠了。