日和号壽司料理 (已結業)

Lunch time搵嘢食，周圍啲餐廳都冇位，見到呢間有位就入咗去。坐低發現張枱濕立立有幾灘水又有啲漬，見到啲員工咁忙都唔好意思叫佢哋抹下，於是自己抹。用手機scan qr code落單，等咗十分鐘左右嚟咗碗海鮮烏冬，味道ok但好少餸，咁就收$98😐之後嚟咗小朋友個兒童餐，炸雞好厚粉，裡面嘅雞肉得一粒仔，小朋友都話好難食😂😂😂之後嚟埋個壽司set，見到個樣都知出事，得魚生薄到張紙咁冚住件壽司飯，全部乾爭爭，最後淨係食咗啲甜蛋同2件鰻魚壽司⋯除咗食物之外想講下服務態度，啲員工睇得出做到好炆憎，送餐嗰陣係成碟嘢掉落枱面，有個員工唔知係咪發脾氣講嘢好大聲，其他食客都望住佢😅